Mga Dapat Malaman tungkol sa RA 11930 o Anti-Online Sexual Abuse or Exploitation of Children (OSAEC) and Anti-child Sexual Abuse or Exploitation Materials (CSAEM) Act

Mga Nakapaloob sa RA 11930

- Koordinasyon sa internet service providers at telecommunications companies upang matanggal at mapigilan agad ang pagkalat ng CSAEM sa internet

- Responsibilidad ng mga may-ari ng internet café, hotspots at kiosks na ipabatid sa publiko na mahigpit na ipinagbabawal ng RA 11930 ang sekswal na pang-aabuso sa mga bata online at offline.

- tungkulin ng mga may-ari, nagpapaupa, sub-lessors, operators at tagapangasiwa ng mga hotel, motel, residential homes, condominiums, dormitories, apartments, transient dwellings at iba pa, na ipaalam sa NCC-OSAEC-CSAEM and anumang pangyayari ng OSAEC sa kanilang lugar.

- Offenders Registry- pagkakaroon ng talaan ng child sexual offenders.

- Pangangalaga ng mga lokal at nasyonal na ahensya sa mga Kabataang naging biktima ng sekswal na pang aabuso.

 

OSAEC

- Tumutukoy sa paggamit ng Information and Communications Technology (ICT) sa sekswal na pang-aabuso at/o pananamantala sa mga bata

- Kabilang dito ang mga sitwasyon kung saan bahagi ng offline na pang-aabuso at/o pananamantalang sekswal ay isinagawa online.

- Saklaw nito ang produksyon, pagpapakalat at pag-aari ng CSAEM mayroon man o walang pahintulot ng biktima.

 

CSAEM

- Tumutukoy sa mga material na naglalarawan sa isang bata na kasali o nakikibahagi sa sekwal na aktibidad, maging tunay man ito o kunwari lamang

- Kasama rito ang mga material na nagpapakita sa sekwal na pang aabuso at/o pananamantala sa isang bata, naglalarawan sa bata bilang isang sekswal na bagay, o nagpapakita ng mga pribadong bahagi ng katawan ng isang bata

- Ang mga material na ito ay maaaring ginawa offline o sa pamamagitan ng ICT

 

Paano makaiiwas sa OSAEC?

- Huwag magbahagi ng personal na impormasyon, litrato at video sa mga taong nakilala lamang sa internet.

- Para sa mga magulang, siguraduhing gabayan at i-monitor ang mga kausap at Gawain ng inyong mga anak sa social media.

- Kung maaari, panatilihing pribado lamang sa inyong pamilya at kaibigan ang mga litrato at video ng inyong mga anak.

- Ipagbigay-alam agad sa kinauukulan kung makaranas ng kahit anong paraan ng pang-aabuso.

 

Ang RA 11930 o Anti-Online Sexual Abuse or Exploitation of Children (OSAEC) and Anti-Child Sexual Abuse or Exploitation Materials (CSAEM) Act ay isang modernong batas na may layong maging solusyon sa isang modernong problema- ang digital child sexual abuse.